BUTUAN CITY- Nagsugod na sa Bürgenstock ang direktang negosasyon tali sa United States ug Iran aron hisgutan ang mga isyu sa nukleyar ug ang pagpalig-on sa kasabotan sa paghunong sa gubat, samtang misaka ang tensyon sa rehiyon human gipahibalo sa Iran nga gisira pag-usab niini ang Strait of Hormuz tungod sa giingong paglapas sa kasabotan ug sa nagpadayon nga mga pag-atake sa Israel sa habagatang Lebanon.
Bisan pa niini, sigob sa US Military nga padayon gihapon ang normal nga paglabay sa mga barkong pamatigayon sa maong agianan, nga maoy usa sa labing importante nga ruta sa transportasyon sa lana sa kalibutan. Gipangulohan sa mga senior nga opisyal sa Iran ug ni US Vice-President JD Vance ang negosasyon nga gitabangan sa Pakistan isip facilitator.
Samtang nagpadayon ang panaghisgot, nagpadayon usab ang panagsangka tali sa Israel ug sa Hezbollah, diin kapin 40 ka tawo ang gikatahong namatay sa pinakabag-ong mga airstrike sa Lebanon. Ang maong kahimtang naghatag og dugang nga kabalaka sa internasyonal nga komunidad tungod sa posibleng epekto niini sa kalinaw, seguridad ug suplay sa enerhiya sa tibuok rehiyon ug sa kalibutan
