BUTUAN CITY – Gipanghimakak ni Department of Interior and Local Government kon DILG Secretary Jonvic Remulla nga adunay na’y warrant of arrest gikan sa International Criminal Court (ICC) batok kang Senador Christopher “Bong” Go ug sa duha ka kanhi pulis.
Sumala sa Kalihim, wala pa’y nadawat nga dokumento ang mga otoridad gikan sa ICC kabahin sa maong isyu.
Ang maong pamahayag misunod sa gibutyag ni Davao City Representative Paolo “Pulong” Duterte sa iyang social media, diin iyang gikabutyag nga adunay siya’y reliable source nga nag-ingon nga adunay na’y ICC warrants batok kang Go ug sa duha ka mga pulis.
Gidudahan ni Duterte ang administrasyon ni Pangulong Ferdinand Marcos Jr., nga gigamit matud pa ang ICC batok sa ilang mga kontra sa politika.
