BUTUAN CITY – Gipadayag ni United States President Donald Trump nga adunay preliminary deal nga napirmahan na aron matapos ang giyera batok sa Iran dayong butyag nga ang detalye sa kasabutan ipagawas sa labing daling panahon.
Gipadayag kini ni Trump atol sa ilang panagkita ni French President Emmanuel Macron sa G7 summit kondiin wala niya matago ang iyang kalipay nga napirmahan na kini sa hingpit.
Samtang ang mga senior US officials nagsugod na usab paghatag og pipila ka detalye kabahin sa sulod sa deal, ug nagbutyag nga ang Strait of Hormuz ablihon pag-usab karong Sabado — oras sa Pilipinas, ang adlaw nga pormal nga pirmahan ang kasabutan didto sa Geneva.
Gilauman nga magsugod karong semanaha ang technical talks sa nuclear program sa Iran, apil na ang pagtangtang sa sanctions o pag-release sa assets, depende sa pagtuman sa Iran sa mga obligasyon ubos sa kasabutan.
