BUTUAN CITY – Nakuha sa New York Knicks ang kampyunato sa 2025–2026 NBA season kaganina human gipildi ang San Antonio Spurs sa Finals, 4–1 sa mismong kurto sa Spurs kondiin kini ang unang titulo sa Knicks sulod sa 53 ka mga tuig.
Sama sa unang upat ka duwa sa Finals, ang team ni Mike Brown nagsugod ug hinay apan nakabawi.
Sa Game 5 kontra San Antonio Spurs, si Jalen Brunson ang nagdala sa Knicks pinaagi sa iyang 45 puntos nga performance rason nga siya ang gi-ila nga Bill Russell NBA Finals MVP.
Sa second half, si Brunson mitala og 29 puntos samtang ang uban niyang kauban lisod kaayo tungod sa foul trouble.
Si Karl-Anthony Towns nakatala lang og duha ka puntos ug na-foul out, samtang si OG Anunoby duna’y 11 puntos.
Ang Knicks nakakuha og dakong tabang gikan sa ilang mga Villanova alumni nga sila Mikal Bridges nga duna’y 14 puntos; Josh Hart – 13 puntos ug Jalen Brunson – 45 puntos.
Samtang ang Spurs rookie nga si Dylan Harper nagpakita gihapon og maayo nga performance human mitala og 25 puntos, 5 rebounds ug 4 assists samtang si Victor Wembanyama nakadugang ug 19 puntos, 14 rebounds og 5 blocks.
Apan ang kakulang sa scoring ni Stephon Castle ug De’Aaron Fox nga mao’y nakapildi sa Spurs.
Bisan pa sa kabatan-on sa mga magdudula sa Spurs, daghan pa sila’g oportunidad sa umaabot samtang ang Knicks nagpamatuod nga ang pagbalik sa Finals dili garantiya.
