BUTUAN CITY – Mi-abot sa 56 ka tawo ang gidakop human mi-ulbo ang kagubot atol sa game 4 sa NBA Finals kagahapong adlawa kondiin nakabawi ug nakadaog ang New York Knicks batok sa San Antonio Spurs.
Napulo ka pulis sa New York City Police Department ang nasamdan sa kagubot, lakip ang usa ka pulis nga naigo sa ulo human gilabay og botelya.
Ang mga nadakpan nag-atubang og mga kaso sama sa pag-atake sa pulis, paghimo og kagubot sa publiko, ug paghupot og kutsilyo.
Sa mga bidyo nga mikatag sa social media, makita ang mga suko nga fans nga nagsinggit ug nangyubit kang Victor Wembanyama ug sa iyang mga kauban sa Spurs samtang mibalik sila sa ilang hotel. Aduna pay usa ka itlog nga gilabay padulong sa French superstar.
Nahitabo ang kadaghanan sa kagubot duol sa Madison Square Garden sa Manhattan, diin gihimo ang duwa atubangan sa puno nga arena nga gitambongan usab sa sikat nga singer nga si Taylor Swift.
