BUTUAN CITY – Human kang Rondae Hollis-Jefferson, si balik-import Chris McCullough na usab sa TNT Tropang 5G ang maka-agbat ni Barangay Ginebra resident import Justin Brownlee sa Season 50 PBA Commissioner’s Cup Finals.
Aminado si Brownlee, ang six-time PBA champion ug three-time Best Import awardee, nga managlahi ang dula sa 6-foot-6 nga si Hollis-Jefferson ug 6’9 nga si McCullough.
Sumala pa ni Brownless nga dakong hagit kini sa ilang team ang pag-contain kundili man mapa-stop ang maong import nga 31-anyos samtang si Brownlee 38-anyos.
Si McCullough, ang No. 29 overall pick sa Brooklyn Nets niadtong 2015 diin nakauban niya si Hollis-Jefferson, ang mitabang sa San Miguel nga makuha ang korona sa 2019 Commissioner’s Cup.
Parehong gitapos sa Ginebra ug TNT ang ilang mga semifinals showdown sa Rain or Shine ug Meralco sa 4-2 para itakda ang ikatulong finals rematch sa nakalabay nga upat ka komperensya.
Sa likod ni Hollis-Jefferson gipildi sa Tropang 5G si Brownlee ug ang Gin Kings sa 2025 PBA Governor’s Cup ug Commissioner’s Cup.
Nakabaton si RHJ og Achilles injury rasong gikuha sa Tropang 5G si kanhe NBA center Bol Manute Bol nga nakasinati usab og susamang injury sa Game Three sa ilang semis duel sa Bolts.
