BUTUAN CITY – Gimanduan sa Department of Justice kon DOJ ang Philippine National Police (PNP) ug ang National Bureau of Investigation (NBI) nga arestuhon si Senador Ronald “Bato” dela Rosa.
Sa usa ka press briefing, gikumpirma ni Department of Justice Secretary Frederick Vida nga “fugitive from justice” na si Senador Bato ug kinahanglan nga dad-on sa International Criminal Court (ICC) aron atubangon ang mga kaso batok kaniya.
Matod sa opisyal, kini subay sa gi-isyu nga arrest warrant sa ICC nga balido o adunay bisa.
Madumdoman nga una nang ginganlan si Dela Rosa isip usa sa mga co-perpetrator sa kasong crimes against humanity nga may kalabutan sa giingong libo-libong pagpamatay ubos sa kampanya kontra iligal nga droga sa administrasyong Duterte.
