BUTUAN CITY – Nagpahinumdum si Novaliches Bishop Teodoro Bacani sa mga senador nga katungdanan nilang magsilbi sa katawhang Pilipino ug dili sa usa ka personalidad lang may kalabutan sa pag-convene sa Senado isip impeachment court batuk kang Vice President Sara Duterte.
Sa usa ka misa sa EDSA Shrine, kauban ang pipila ka miyembro sa House prosecution panel ug civil society groups, nanawagan si Bacani nga gelayong sugdan ang impeachment trial ug gipamugos nga dapat ipatunhay ang katungdanan sa mga senador sa katawhan.
Isip usa sa mga nagmugna sa 1987 Constitution, gibutyag niini nga dapat “gelayon” o “forthwith” ang pagdungog sa impeachment case ug dili dapat malangay sa mga isyung pampulitika sa Senado.
Mitambong sa misa sila Mamamayang Liberal Party-List Rep. Leila de Lima, ug mga representante nga sila Rep. Joel Chua ug Lorenz Defensor, nga parehong parte sa House prosecution panel.
Nangayu sila og giya og kusog para sa ilang himoong pagtaral sa impeachment case.
Samtang pipila ka civil society groups ang nagpahigayon usab og protesta sa gawas sa EDSA Shrine, nanawagan nga ipadayon na ang impeachment trial nga dugay nang gipaabot sa publiko.
Sumala sa House prosecution team, andam na sila sa pagtaral og andam na usab ang pagkabahin-bahin sa mga Articles of Impeachment sa matag miyembro sa panel, lakip na ang pagpangandam sa mga posibleng witness ug private prosecutors.
Gilauman usab nilang dili maapektuhan sa tensyon sa Senado ang proseso sa impeachment tungod kay kini usa ka constitutional duty sa mga magbabalaod.
