BUTUAN CITY- Gilimod sa National Bureau of Investigation (NBI) nga sila ang nagpaluyo sa operasyon sa Senado kalabot sa pag-aresto kang Senador Ronald” Bato” Dela Rosa taliwa sa tensyon ug serye sa pinusilay kagahapon sa gabie.
Sumala ni NBI Director Melvin Matibag nga wala kini ming-adto sa Senado human silang gimanduan nga ihunong na ang operasyon.
Giklaro usab sa opisyal nagw alay ahente sa NBI ang anaa sulod sa Senado dihang natigayn ang insidente. Gihangyo lang matud pa ang ilang presensya aron susihon ang seguridad palibot sa Senate Building.
Pagklaro pa ni Matibag, nga nakadawat kini og tawag gikan kang Senate President Pro Tempore Loren Legarda kalabot sa presensya sa mga armadong ahente sa NBI sa Senado apan gilimod kini sa opisyal.
Dugang pa sa NBI chief, wala silay gipagawas nga kamaduan aron arestuhon si Dela Rosa ug gi-insistar niining “100 percent” nga walang operasyon ang NBI sa Senado kagabii.
