BUTUAN CITY – Miabot na sa gibana-banang 29 bilyones dolyares ang gastos sa U.S. sa nagpadayon niining giyera batuk sa Iran, sumala sa usa ka taas nga opisyal sa Pentagon niadtong Martes (adlaw sa Amerika).
Mas taas kini og 4 bilyones dolyares kumpara sa naunang pagbana-bana sa nasud naidtong nakalabay nga buwan nga anaa sa 25 bilyones dolyares lang.
Lakip sa bag-ong kantidad ang dugang gastuson sa repair ug paghulip sa mga kagamitan, lakip na ang operational costs sa militar.
Wala usab giklaro sa Pentagon kung unsay eksaktong namugna ang katibuk-ang 29 bilyones dolyares nga kantidad.
Una nang gitaho sa niadtong Marso nga gibana-banang muabot sa dili moubos sa 11.3 bilyones dolyares ang gastos sa Estados Unidos sa unang unom ka adlaw nga giyera nga gipangunahan ni U.S. President Donald Trump.
