BUTUAN CITY – Nanganaw-kanaw usab ang pagka-dominante ni Victor Wembanyama nga maoy nanguna sa San Antonio Spurs sa 115-108 nga kadaugan sa Game 3 batuk sa Minnesota Timberwolves og nakuha ang 2-1 nga labaw sa ilang NBA playoff series.
Ang French superstar nga si Victor Wembanyama nakakuha sa kontrol sa duwa batok sa Minnesota Timberwolves pinaagi sa usa ka talagsaong offensive performance sa fourth quarter diin nakaiskor siya og 16 puntos.
Ang 7-foot-4 nga prodigy, nga nagdula sa iyang unang NBA post-season, mihuman sa duwa sa Minneapolis nga adunay kinatibuk-ang 39 puntos, 15 rebounds, ug lima ka blocks.
Nadasig usab ang Minnesota sa pagbalik sa ilang nag-unang star nga si Anthony Edwards sa starting lineup.
Mibida si Edwards sa upset win sa Timberwolves sa unang duwa, apan tungod kay nagpaayo pa siya gikan sa injury sa tuhod, nakaiskor lamang siya og 12 puntos gikan sa bench sa grabeng kapildihan sa ikaduhang duwa.
Nibalik dayon siya sa iyang maayong porma, nga nagdula og agresibo apan kontrolado nga basketball ug nakatala og 32 puntos, 14 rebounds, ug unom ka assists — apan kulang gihapon aron makadaog ang koponan.
