BUTUAN CITY – Gimanduan sa Korte Suprema si Senate President Vicente Sotto III nga magpasabot nganong dili siya dapat silutan og indirect contempt, human sa iyang mga komentaryo batok sa desisyon sa korte bahin sa impeachment ni Vice President Sara Duterte kondiin gihatagan siya og 10 ka adlaw kon kutob sa Mayo 14, aron mosumite sa iyang tubag.
Ang isyu nagsugod sa desisyong gipagawas sa Korte Suprema niadtong Hulyo 25, 2025 nga nagbutyag nga dili balido kon unconstitutional ang Articles of Impeachment batok sa bise presidente.
Dinhi na mi-react si Sotto dayong butyag nga tungod niini nga desisyon, murag “imposible” na ang impeachment dayong sulti nga ang mga huwes, wala matud pa nakahibalo sa mga balaod sa Kongreso.
Sa reklamo nga gisumite batok kaniya, gika-ingon nga ang iyang mga pamahayag makadaot sa pagsalig sa publiko sa korte ug wala ma-angay nga saktong pamatasan.
Base sa reklamo, ang iyang gisulti mahimong makababag o makadaot sa hustisya ug nagpakunhod sa dignidad sa korte
