BUTUAN CITY – Giduso ni Senator Imee Marcos ang Senate Bill No. 2067 o sugyot balaodnon nga nagtumong sa paguktaba sa Barangay ug Sanguniang Kabataan Elections (BSKE) gikan sa Nobyembre 2026 ngadto sa Oktubre 2027 tungod sa kabalaka nga mamahimong dili makabotar ang daghang Pilipino tungod usab sa taas nga pamasahe nga hatud sa mahal nga krudo.
Gipamugos sa sugyot balaodnon nga kung mauktaba ang piniliay, magpadayon ang mahimong serbisyo sa mga opisyal sa barangay, usa ka dakong tabang matud pa aron matutukan nila ang pagtubag sa panginahanglan sa ilang komunindad taliwa sa krisis.
Gawas niini gipunto usab nga muabot sa 16-bilyones pesos ang gastuson para sa eelction sumala sa Commission on Election (COMELEC), wala pay labot ang dugang gastos sa Philippine National Police (PNP), Department of Education (DepEd) ug mga lokal nga kagamhanan.
Gitumbok ni Marcos nga mas maayo kung gamiton una ang nasangpit nga bilyunes nga budget sa paghatag og nag-unang panginahanglan sa mga Pilipino sama sa pagkaon, krudo ug uban pang serbisyo.
Sumala pa ni Marcos, nagsunod lang usab ang Undas og Eleksyon rasong lauman ang pagdagsa sa biyahero ug taas nga singil sa pamasahe.
Gipamugos sa senadora nga importante ang Undas sa mga Pilipino isip panahon sa paghandum sa mga namatay’ng miyembro sa pamilya rasong dapat pasagdan una ang mga Pilipino nga mag-ampo nga wala nay eleksyon og pamulitika nga huna-hunaon.
