BUTUAN CITY – Anaa na sa Islamabad, Pakistan ang mga negotiators sa US og Iran aron maghisgut og kalinaw karung adlawa samtang sa umaabot nga Miyerkules usab mohimo og panaghisgut ang Israel og Lebanon.
Tungod niini, gipasalamatan ni Pakistan’s Foreign Minister Mohammad Ishaq Dar ang United States sa paningkamot aron makab-ot ang malahutayong kalinaw sa rehiyon og sa tibook kalibutan.
Kini giluwatan sa opisyal sa Pakistan sa dihang gitimbaya si US-Vice President JD Vance sa dihang miabot sa Islamabad.
Malaumon si Dar nga ang Iran og US aktibong molambigit sa hisgutanan dayung pagpadayag sa tinguha sa Pakistan nga magpadayon sa pagplastar sa mga panig aron makuha ang solusyon sa kagubot.
Nasayrang miabot si US-Vice President JD Vance og iyang team sa Pakistan sakay sa Air Force Two, pipila ka oras sa dihang miabot usab ang Iranian counterparts.
Samtang ang Israeli og Lebanese officials gikatakdang magtagbo usab sa Washington, DC karung martes aron sugdan ang panag-estorya.
Apan sumala sa Israel nga walay labot ang Hezbollah sa diskusyon mahitungod sa ceasefire sa Lebanon.
