BUTUAN CITY – Subling mohimo og lihok protesta ug noise barrage ang grupong Piston karung adlawa, Abril 7.
Kini aron ipamugos ang panawagan para sa hingpit nga pagtanggal sa excise tax sa mga produktong petrolyo aron mokunhod na ang presyuhanay sa lana sa local market.
Sigon ni PISTON National President Mody Floranda, himoon kini sa nagkadaiyang mga terminal ug merkado kauban ang mga drayber og conductor sa nagkadaiyang public utility vehicle (PUV).
Gusto sa grupo nga ipaabot sa administrasyong Marcos ang pag-antos sa tarnsport sector tungod sa walay hunong nga bigtime oil price hike nga dili kayang mapug-ngan sa gobyerno.
Subling ipanawagan usab sa grupo ang hingpit nga pagbasura sa Oil Deregulation Law nga maoy hinungdan nga dili makontrol sa gobiyerno ang paglihok sa presyo sa mga produktong petrolyo.
Idungan sa transport group ang nasangpit nga protesta sa bigtime oil price hike nga nakatakdang ipatuman karung adlawa.
