BUTUAN CITY – Gikumpirma ni Pakistan’s Foreign Minister Ishaq Dar nga i-host sa ilang nasud ang mga foreign ministers sa Saudi Arabia, Turkey ug Egypt didto sa capital Islamabad karong Marso 29 hangtud 30. Kini aron hisgutan og lawom ang mga paningkamot aron maminusan ang tensyon sa rehiyon.
Gikumpirma usab Ministry of Foreign Affairs sa Egypt nga mibiyahe na ang ilang foreign minister padulong ngadto sa Pakistani capital alang sa maong negosasyon.
Nasayrang padayon karon ang paningkamot sa Pakistan nga makabaton og dakong papel isip peace facilitator sa rehiyon.
Samtang naghanyag usab ang Pakistan nga maoy mag-host og dayalogo tali sa Amerika ug Iran apan wala pa’y kumpirmasyon kung kini mahitabo.
Una nang gibutyag ni Dar nga duna na’y “indirect talks” pinaagi sa mga mensaheng gi-relay sa Pakistan.
Nag-share usab si Trump og usa ka screenshot sa usa ka X post gikan kang Pakistan’s Prime Minister Shehbaz Sharif kondiin iyang gipadayag nga andam ang Pakistan nga mahimong host sa panagsabot.
