BUTUAN CITY – Gimintina sa Bangko Sentral ng Pilipinas kon BSP ang ilang policy rate nga 4.25-porsiento aron dili na maglisod og samot ang ekonomiya sa nasud tungod sa padayong kagubot sa Middle East nga miresulta sa hinay nga pag-aginod sa dagan sa ekonomiya.
Sigon ni BSP Governor Eli Remolona Jr, nagpatawag gilayon siya og meeting aron matubag ang kalit nga pagbag-o ug kawala’y kasiguruhang dala sa tensyon karon sa tunga-tungang sidlakan.
Gitumbok sa opisyal ang padayong pagsaka sa presyo sa mga produktong petrolyo ug uban pang pamatigayon sama sa presyo sa abuno nga gila-umang magpasaka usab sa food inflation.
Apan gipasabot sa gobernador nga ang pagsaka sa presyo sa mga palaliton, mugna sa supply shocks kondiin limitado lang ang kayang himuon sa monetary fund policy.
