BUTUAN CITY – Gi-anunsyo ni Vice President Sara Duterte ang mga lakang sa pagdaginot sa Office of the Vice President (OVP), apil na ang pag-redirect sa pundo gikan sa mga gitakdang planong aktibidad sa Hunyo padulong sa food assistance program sa maong buhatan.
Aminado ang besi presidente nga ang padayong pagsaka sa presyo sa mga palaliton, usa ka dakong babag sa gitinguhang makabaton kita og malinawon ug abundang kinabuhi.
Dili matud pa normal ang ato karong natagamtaman kansa epekto sa krisis nga hatud sa mga giyera sa ubang kanasuran ilabina sa Middle East.
Sigon ni Duterte, tumong niini nga matabangan ang mas daghang mga Pilipino nga na-apektuhan sa padayong pagtaas sa presyo sa mga palaliton.
Gipaniguro usab sa bise presidente nga magpadayon ang mga nagtunhay’ng programa sa OVP, sama sa libreng sakay, tabang pang-edukasyon, ug suporta sa gagmay’ng negosyo.
Ang magpadayon matud pa mao ang mga proramang makatabang nga matapal-tapalan ang kalisod nga gihambin karon sa katawhan apil na ang ‘Magnegosyo Ta Day’ program.
Padayon usab ang pagpang-apod apod sa mga rice boxes ngadto sa mga nanginahanglan. Duan usab sila’y gitakda na nga mga kalihukan sa umalabot nga dili na nila idayon aron ang pundong gitagana niini adto na mupadulong sa katawhang Pilipino.
