BUTUAN CITY- Gimando sa House Committee on Justice nga magpagawas og subpoena batok sa National Bureau of Investigation kon NBI aron makuha ang mga rekord kalabot sa daw pagpanghulga ni Vice President Sara Duterte sa 1st Family ug kang kanhi Speaker Ferdinand Martin Romualdez.
Gipangunahan ni Justice panel chairman ug Batangas Rep. Gerville “Jinky Bitrics” Luistro, ang lakang dungan sa pormal nga pagsugod sa hearing sa mga reklamong impeachment batok kang Duterte.
Tumong sa mga hearing nga masuta kung adunay igo nga basehan aton ipasaka ang kaso sa Senado alang sa pagtaral.
Gipasaka ni Manila Rep. Joel Chua ang mosyon kinsa minghangyo og mga sertipikadong kopya sa tanang rekord, dokumento, ug hulagway nga nalakip sa NBI sa ilang imbestigasyon kalabot sa daw hulga.
Ang maong pamahayag gitaho nga gihimo ni Duterte sa usa kla press conference niadtong Nobyembre 2024, kung asa gimando matud pa sa Bise Presidente sa usa ka indibidwal nga patyon ang Presidente, ang First Lady, ug si Romualdez ugaling kini mamatay.
Nakahimo kini og kabalaka sa publiko ug nakapasugo sa imbestigasyon sa mga awtoridad. Parte ang maong insidente sa mga basehan nga nakalatid sa mga reklamong impeachment, lakip ang daw pagsupak sa pagsalig sa publiko, pagsupak sa Konstitusyon, sayop nga paggamit sa confidential funds ug unexplained wealth.
Gilatid ni Luistro ang mosyon sa komite ug gi-aprobahan gilayon kini nga walay pagsupak.
Gimandoan sa subpoena ang NBI nga isumite ang mga sertipikadong kopya sa tanang materyales gikan sa ilang imbestigasyon, nga repasohon ang mga magbabalaod isip parte sa pagpangaylap og ebidensya.
Una nang nasuta sa komite nga igo sa porma ug unod ang duha ka-reklamong impeachment batok kang Duterte, ug gitugotan kini nga magpadayon sa mga hearing bisan panahon sa recess sa Kongreso.
Sa kasamtangan, gisuta palang sa komite kung adunay probable cause ug wala pay guilt, samtang ang Senado ang magsilbing impeachment court kung adunay pagtaral.
