BUTUAN CITY- Wala gibaliwala ni House Justice Committee member ug Manila Rep. Joel Chua ang posibilidad nga mas mapadali ang hearing sa duha ka impeachment complaint batok kang Vice President Sara Duterte.
Ang komite adunay 60 session days aron hisgutan ang upat ka reklamo batok sa Bise Presidente sukad niadtong na-refer kini sa komite, niadtong Pebrero-23 sa kasamtangang tuig.
Ang kanhi upat, kasamtangng nahimong duha nalang human magdesisyon ang komite nga mingsupak sa 1-year bar rule ang una samtang ang ika-duha nga reklamo subli na usab nga gibawi sa mga complainant.
Sumala ni Rep. Chua ang gitas-on sa diskusyon sa reklamo magdepende gihapon sa mga ebidensiyang iprepresenta ug mga testimoniyang ipagawas, sa mga complainant ug mga respondent. Posibel usab nga mas mapadali ang paghisgut kung pili-on sa kampo sa Bise Presidente nga dili na mo-atubang sa hearing.
Sigon ni Chua, dako ang posibilidad nga dili tilokon sa komite ang tibuok 60 session days adiser ipadayon sa plenaryo ang hearing sa duha ka nabiling impeachment complaint batok kang VP Sara.
Una nang nakitaan og igo nga form, substance, ug grounds, ang duha ka nabiling reklamo batok kang VP Sara. Matud pa ni Chua, nga daghan ang gikinahanglang tuki-on sa hearing proper kansa gikatakdang magsugod sa Marso 25.
Gawas sa pagpagawas og kaugalingong ebidensiya ug mga testigo sa complainants ug sa respondent, tububagon usab sa komite ang mosyon ni Akbayan Rep. Chel Diokno nga ibalhin ang kustodiya ni Ramil Madriaga, ang detainee nga nagpa-ilang bagman ni VP Sara.
Nagaung-ong usab ang mosyon kalabot sa pagpa-subpoena sa pipila ka dokumento kansa importante alang sa pag-isbog sa ika-duhang reklamo.
