BUTUAN CITY- Gikonpirma sa presidente sa Iran nga napatay si Intelligence Minister Esmail Khatib sa usa ka gabii nga strike, human usab sa pagkamatay ni top security official Ali Larijani niadtong Martes.
Samtang gilunsad sa Israel ang sunod-sunod nga mga pag-atake sa Beirut, Lebanon, usa ka pagbuto ang nakapahugmak sa usa ka building sa sentro sa syudad nga gilibutan sa mga negosyo ug hotel.
Nagpadayon ang retaliatory strikes sa Iran ug mga kaalyado niini sa lain-laing bahin sa Middle East, nga nagresulta sa duha ka patay sa Israel ug mga drone interceptions sa Dubai, Qatar, Kuwait, Iraq, Bahrain ug Saudi Arabia.
Sa sayo pa, gigamit sa militar sa US ang bunker-busting bombs aron igo-on ang Iranian missile sites sa Strait of Hormuz, kasna karon epektibong na-block isip vital nga agianan sa lana. Sa Iran, nagpuyo ang mga residente sa kahadlok, diin usa ka babaye mingbutya nga ang paggawas sa balay “daw sugal sa kinabuhi.”
