Presyo sa mga nag-unang palaliton, nagpabiling stable

BUTUAN CITY – Gikumpirma sa Department of Trade and Industry kon DTI nga nagpabiling stable ang presyo sa mga nag-unang palalilton ug wala sila’y nakitang pagtaas sa presyo sa pagkakaron.

Kini human mabalaka ang daghang mga tawo nga musaka ang presyo sa mga baligya tungod sa pagsaka sa presyo sa mga produktong petrolyo nga may kalabutan sa krisis sa Middle East.

Sumala sa DTI, wala sila’y na-monitor nga abnormal nga paglihok sa presyo sa ilang pag-check sa 172 ka mga establisamiento tungod kay ang  supply o inventory sa mga manufacturers,  igo pa hangtod sa duha ka bulan.