BUTUAN CITY – Mibahad si Butuan City Mayor Law Fortun nga dili magpanuko sa pag-imposar og penalidad o ba kaha pag-revoke sa permit ngadto sa mga negosyante nga magpataka og pagpasaka sa presyo sa ilang baligyang produkto.
Gihimo kini ni Mayor Fortun dungan sa pagmugna og Task Force “Oplan Bantay Presyo.
Sigon pa niini nga nagpagawas siya og executive order aron pagmugna sa special nga taskforce human usab nadungog nga dunay mga pagpasaka sa presyo sa ilegal nga pamaagi diin gipananglitan pa niini ang produktong petrolyo.
Sigon pa sa mayor nga monitoron sugod karung adlawa ang presyo sa tanang produkto dinhe sa Butuan City og ang mapamatud-ang mihimo og illegal nga pagpasaka sa presyo, iya kining hatagan og penalidad o ba kaha e-revoke ang ilang business permits.
Lakip sa trabaho sa Task Force “Oplan Bantay Presyo ang pagsusi sa mga establishemento nga posibleng nag-hoarding samtang susihon usab ang tanang gasoline station sa siyudad.
Ang Task Force “Oplan Bantay Presyo gilangkuban kini sa local government offices sama sa Business Permit and Licensing Department kauban ang mga national line agencies sama sa Department of Trade and Industry kon DTI, Department of Interior and Local Government kon DILG, department of Agriculture kon DA, department of Energy kon DOE, philippines National Polcie kon PNP, National Food Authority kon NFA, Department of Health kon DOH, og mga representante gikan sa civil society organizations.
Makig-alayon usab si Mayor Fortun sa Department of Energy aron matubag ang concern mahitungod sa suplay sa produktong lana.
Tungod niini, nanawagan ang Mayor og kooperasyon sa tanang katawhan og dili magpahimulos sa atong sitwasyon nga nag-atubang og dakong krises tungod sa giyera sa Middle East.
