-- ADVERTISEMENT --
BUTUAN CITY – Mikusog pa ang bagyo sa gawas sa Philippine Area of Responsibility (PAR) samtang padayon nga nakaapekto ang Northeast Monsoon o Amihan sa Luzon ug Visayas.
Tungod niini, lauman ang bugnaw nga panahon ug mga pag-ulan sa pipila ka parte sa nasud.
Samtang ang trough sa tropical storm nakaapekto usab sa sidlakang parte sa Mindanao nga mamahimong magdala sa mga pag-ulan ug pagkidlat o pagdalogdog.
Ang tropical storm Nuri ulahing nasigpatan sa kalay-ong 1,290 kilometros sa sidlakan sa Eastern Visayas.
Dunay kusog sa hangin kining 65 km/h dool sa sentro ug dunay pagbuylo nga hangtud sa 80 km/h.
-- ADVERTISEMENT --
Hinay ang pag-aginod sa bagyo pa-kasadpan.
Kung mosulod sa PAR hatagan kini og local name nga Butchoy isip ikaduhang bagyo sa tuig 2026.
