-- ADVERTISEMENT --
BUTUAN CITY – Nakamata na human na-comatose ang Mindanaoan boxer nga si Jordan “Tuklaw” Atlao, taga-Claveria, Misamis Oriental human natumba atol sa iyang sparring sessions ning siyudad sa Butuan.
Nasayrang nangandam si Tuklaw alang sa iyang away sa Japan nga himuon karong Mayo ning tuiga.
Kalit na lang matud pa kining nakuyapan atol sa iyang sparring session rason nga dali kining gidala sa ospital ug human sa pila ka adlaw nga pagpatambal, mibuka na ang mga mata niini ug malihok na ang iyang kamot, base na usab sa post sa iyang manager nga si Dondon Llagas.
Si Atlao duna’y record nga unom ka daug, usa ka pildi ug lima ka knockouts kondiin sukad niadtong 2024, mitala siya og tulo ka sunod-sunod nga kada-ugan.
