BUTUAN CITY – Mi-abot na sa P18.13 trillion ang utang ng Pilipinas sa pagtapos sa buwan sa Enero, base sa datos sa Bureau of Treasury (BTr) kansa mitaas og 11.2 percent kumpara niadtong Enero 2025 nga anaa sa P16.31 trillion.
Nasayrang kada-buwan, mutaas og 2.4 percent ang sovereign fund sa maong utang rason nga nalabwan niini ang record-high nga P17.71 trillion nga utang sa gobyerno niadtong Disyembre 2025.
Nagpasabot kini nga nadugangan og P426.15 bilyon ang utang sa nasud sa pagtapos sa Enero ning tuiga.
Kampante usab ang BTr nga ang maong level, sustainable bisan og duna’y hagit sa domestic ug global landscape dayong butyag nga wala pa na-abot sa gobyerno ang pinakasagad nga full-year borrowing program sa Marcos administration nga mu-abot sa P19.06 trillion.
