BUTUAN CITY – Ablihan karung gabii, oras sa Israel, ang airport alang sa mga kababayang Israilis nga niadtong na-estranded sa ubang nasud tungod sa kagubot.
Sigon ni Bombo International News Correspondent Jessie Barriga direkta gikan sa Tel aviv, Israel, nga wala ma-igo sa missile sa Iran ang airport sa maong nasud apan sirado kini tungod sa pagbalos sa Iran.
Apan unyang gabii paga-ablihan kini aron dawaton ang mga israilis nga na-stranded. Gawas niini, padayon usab nga sirado ang mga tunghaan og gidili ang pag-adtu sa mga beaches og mga tapok-tapok.
Samtang giklato usab ni Barriga nga walay panic buying nga natigayon sa Israel sa hisgutanang pagkaon tungod kay napangandaman matud pa kini sa gobyerno rasong daghan ang suplay sa merkado.
Walay pagkaputol usab sa linya sa tubig, kuryente og internet bisan paman sa gihimong mga pagpamomba sa Iran isip balos human sila unang gibombahan sa israel og US.
