BUTUAN CITY – Nakatala ang Pilipinas og 4,277 ka bag-ong na-report nga kaso sa HIV (human immunodeficiency virus) gikan Oktubre hangtod Disyembre 2025, kon bugti sa average nga 47 ka bag-ong diagnosis matag adlaw.
Sa pinakabag-ong HIV/AIDS (acquired immunodeficiency syndrome) Surveillance Report, ang Department of Health (DOH) Epidemiology Bureau miingon nga ang maong mga bag-ong kaso nagdala sa kinatibuk-ang gidaghanon sa na-report nga HIV infections sa nasod ngadto sa 163,454 sukad Enero 1984 hangtod Disyembre 2025.
Sa mga bag-ong kaso nga na-report sa ika-upat nga kwarter sa 2025, 4,038 ang mga lalaki samtang 239 ang mga babaye. Gipakita usab sa report nga 55 sa mga babaye ang mabdos sa panahon nga sila nadayagnos.
Ang kadaghanan sa mga bag-ong kaso gikan sa mga batan-on ug sa mga anaa sa ilang produktibong pangidaron sa pagtrabaho. Sumala sa datos, 45 porsyento sa mga kaso anaa sa edad 25 hangtod 34, samtang 32 porsyento anaa sa edad 15 hangtod 24.
Ang mga edad 35 hangtod 49 naglangkob og 19 porsyento, samtang ang mga 50 anyos pataas naglangkob og 2 porsyento. Ubos sa 1 porsyento ang mas bata pa sa 15 anyos.
Sa bahin sa geographic distribution, ang National Capital Region adunay pinakataas nga kaso nga 899 o 21 porsyento sa total alang sa maong kwarter.
