BUTUAN CITY – Gibarugan sa Iran nga magpadayon ang ilang pagpangatake sa mga kabtangan sa Estados Unidos sa Gulf human ang pagkamatay sa ilang Supreme Leader nga si Ayatollah Ali Khamenei ug sa 40 kapin ka mga opisyal sa Iran.
Ang mga retaliatory strikes sa Iran batok sa Israel nakaigo sa mga syudad sa Tel Aviv ug Jerusalem.
Nakapatay usab kini og usa ka tawo sa Bahrain, samtang ang Iraq ug Kuwait mitaho og dugang nga mga raid sa Iran.
Sigon ni National Security Council to Iran Secretary Ali Larijani, bakak matud pa ang gibutyag sa US media nga nagbuhat siya og bag-ong lakang aron ibalik ang nuclear talks sa Washington.
Samtang ang Israel usab nagbutyag nga ilang gi-igo ang sentro sa Tehran ug naglusad usab og mga atake sa Lebanon human nga ang Hezbollah mipabuto og daghang rockets sa amihanang Israel.
Gitaho sa Ministry of Health sa Lebanon nga kapin sa 30 ka mga tawo ang namatay sa mga atake sa Israel.
Ang Ministry of Defense usab sa Kuwait nagbutyag nga “daghang” eroplano pang-gubat sa Amerika ang nag-crash sa ilang nasod, apan tanan nga tripulante naluwas.
Nagpasidaan na si US President Donald Trump nga magpadayon ang mga atake batok sa Iran hangtod makab-ot ang tanang tumong sa Washington, ug nagsaad nga ipanimalos niya ang kamatayon sa tulo nila ka sundalong Amerikano.
