BUTUAN CITY – Dili dapat molapas sa 50-mil pesos ug foreign currency nga bugti sa 10-mil dolyares ang dapat nga bitbit sa usa ka pasahero sa pagsulod ug paggawas sa Pilipinas kung dili kini gustong mahasol.
Sigon sa abiso sa Bureau of customs kon BOC, sa ilalom sa kasamtangang mga regulasyon, ang mga sumasakay gitugutang magdala og mga langyaw nga kwarta lakip na ang cash ug mga susamang pondo sa pagbiyahe nga dili molapas sa 10-mil dolyares o ang bugti niini sa uban pang foreign currencies ug kinahanglang ideklara.
Pwedeng himoon ang deklarasyon sa “e-Travel System” adiser pa ang pagbiyahe o sa gimontar nga BOC counters sa airports ug seaports.
Sa mga magbitbit usab og Philippine currency, ang usa ka biyahero gitugutan lang nga magdala og hangtud 50-mi pesos nga dili na kinahanglang moagi sa approval.
Ugaling mosobra niini nga kantidad, kinahanglang mukuha una og written authorization gikan sa Bangko Sentral ng Pilipinas (BSP) ug dapat nga ideklara sa BOC.
Pahinumdum sa ahensiya, ang sobra sa 50,000 pesos-limit kumpiskahon kung walay saktong authorization.
