BUTUAN CITY- Malampuson nga napahigayon kagahapong adlawa Biyernes Pebrero 27, 2026 ang Ceremonial Groundbreaking nga gipangunahan ni Office of the Presidential Adviser on Peace Reconciliation and Unity kon OPAPRU Secretary Carlito G. Galvez Jr., alang sa mga proyekto sa OPAPRU – PAyapa’t MAsaganang pamayaNAn kon PAMANA, sa Sitio Pirada, Barangay del Pilar, Cabadbaran City.
Ubay-ubay nga mga proyekto ang naangkon sa lalawigan sa Agusan del Norte, ug kabahin niini ang Tulo (3) ka mga proyekto nga naangkon sa Syudad sa Cabadbaran sama sa Improvement/Construction of Mahaba-Belwang Farm-to-Market Road (Phase ll), Improvement/Construction of Pirada-Payas Farm-to-Market Road (Phase l) ug ang Construction of a Housing Project in Barangay del Pilar.
Gikan sa Barangay del Pilar, mideretso si Secretary Galvez sa Caraga State University Gymnasium, Cabadbaran City Campus alang sa hamobong programa nga gitambongan usab nila ni Agusan del Norte Governor Angel Amante, Vice Governor Enrico R. Corvera, Provincial Officials, City Mayor Judy Chin Amante, City Officials, Municipal Mayors, ug uban pang mga bisita.
