-- ADVERTISEMENT --
BUTUAN CITY – Andam ug gidawat na ni kanhi Pangulong Rodrigo Duterte ang posibilidad nga mamatay siya samtang nadetine sa pasilidad sa International Criminal Court (ICC) sa The Hague, Netherlands.
Kini ang gikumpirma ni Vice President Sara Duterte, human sa manifesto nga gisumite sa korte sa kanhi pangulo nga dili na siya mutambong sa mga pagdungog alang sa iyang confirmation of charges.
Sumala sa Bise Presidente, dawat na usab sa ilang pamilya ang kawala na’y paglaum nga makabalik pa sa Pilipinas ang iyang amahan.
Dugang pa niya, nakasulat mismo sa opisyal nga dokumento sa iyang amahan sa ICC ang pagdawat niini sa iyang kahimtang sa kamot sa international tribunal.
-- ADVERTISEMENT --
