BUTUAN CITY- Subay sa paghandom sa ika-40 nga anibersaryo sa EDSA People Power kaggahaopon, gibutyag ni Jeffrey “Ka Eric” Celiz, Secretary General sa Bangon Sambayanan, nga ang People Power I niadtong 1986 ug People Power II niadtong 2001 nagpakita sa susamang mga isyu sa korapsyon ug abuso sa gahum sa mga lider sa nasud.
Gipadayag niini, nga si anhing kanhi President Ferdinand Marcos Sr. giestimara nga mingkurakot og $10 Billion o halos tunga sa trilyon pesos gikan sa panudlanan sa gobyerno sulod sa kapin duha ka dekada, ug lakip matud pa niini ang iyang pamilya. Samtang si kanhi President Joseph Estrada, bisan dili ingon kadako ang nakurakot, gigamit gihapon ang poder sa pagka-Pangulo aron mangwarta pinaagi sa sugal ug kutong nga nakapahimo og milyon-milyon.
Gipunting ni Celiz nga ang duha ka People Power nagpakita sa klarong hulagway sa sistematikong pang-abuso sa gahum ug panglimbong sa pondo sa katawhan.
Dugang pa ni Jeffrey Celiz, nga aron masabtan o makaretale matud pa ang mga kabatan-onan sa nasud kung asa gi-gikanan o ang kasaysayan sa People Power kinahanglan matud pa nga adunay sustain public education, ug i-saysay ang mga nahitabo sa pagsugod sa People power niadtong 1986.
Gani gi-angkon usba niini nga kini usa ka dakong hagit alang mga katigulangan kung unsaon para masabtan sa mga kabatan-onana diin ang gobyerno mismo wala na nag bale-bale nga kini magpadayon pa ug mahimong leksyon sa bag-ong henerasyon.
