BUTUAN CITY – Gi-ila nga bayani ang Davao cadet nga si Kyle Punsalang human mitiklaob ang barkong MV Trisha Kerstin 3 niadtong Enero 26 sa Basilan, kondiin usa siya sa mga namatay ug pinaka-ulahing narekober ang iyang patay’ng lawas.
Sumala sa mga survivors, nakatabang si Kyle pagluwas sa uban pang mga crews ug pasahero dihang nagsugod na og ka-unlod ang barko kondiin sigon naluwas nga pasaherong si Joshua Abulag, nakita niya si Kyle nga naghatag og life jackets sa mga tigulang ug usab sa iya, hinungdan nga naluwas sila.
Gisulti usab sa igsoonni Kyle nga si JP Punsalang, nakadungog siya sa mga istorya gikan sa nakaluwas nga gipukaw ni Kyle ang mga pasahero samtang ang barko nagtakilid na.
Trending sa social media ang makahuluganon nga mensahe ni Kyle sa iyang pamilya samtang palunod pa ang barko:
“Me tagilid among barko. Tabangggg … Puno kaayo mi karon ug pasahero, fully booked.”
Sa pagtiklaob sa MV Trisha Kerstin 3, mi-abot na sa 58 ka mga tawo ang narekober, samtang adunay mga 22 pa ang pabiling missing.
Ang pamilya Punsalang karon nag-awhag sa pagpatubag sa angayang sukton sa trahedya, aron masiguro nga ang mga responsable mubayad sa ilang gibuhat ug aron matapos ang maong siklo sa kasakit.
