BUTUAN CITY – Nakatala ang Department of Health (DOH) og kapin sa 7,400 dengue cases sa Enero 2026, nga nagpakita og 71% nga pagkunhod kumpara sa kapin 25,000 nga kaso sa samang panahon niadtong 2025.
Base sa datos, adunay 7,471 nga kaso gikan Enero 4 hangtod 24, samtang 25,652 ang narehistro sa miaging tuig.
Sumala ni DOH Health Promotions Bureau Director Tina Marasigan, ang taas nga kaso sa dengue niadtong 2025 maoy hinungdan sa paglusad sa Alas Kwatro Kontra Mosquito program niadtong Pebrero 24, 2025, diin gipakusgan ang kampanya sa paglimpyo ug pagpanilhig sa mga tubig nga nagbarug aron malikayan ang pagpanamok.
Nagpahimangno usab ang DOH nga kinahanglan regular nga limpyo ang balay, ilabi na ang mga paso, kanal, ug tubig nga nagbarug nga mahimong breeding ground sa mgalamok.
Giingon ni Health Secretary Teodoro Herbosa nga ang dengue dili lang limitado sa panahon sa bagyo, apan tibuok tuig kini nga risgo, ug kasagaran nga maapektuhan mao ang kabatan-onan.
