BUTUAN CITY – Gikumpirma usab ni Eva Mytha Banzon – ang disaster response information officer sa Department of Social Welfare and Development nga nakapang-apod apod na sila og mga family food packs ngadto sa mga apektadong residente sa mga lungsod sa Tubay, Agusan del Norte, lungsod sa Lingig ug sa Hinatuan nga parehong sakop sa Surigao del Sur apil na sa Bayabas, diin nag-landfall ang bagyo kagabii.
Sa pagkakaron, duna sila’y naka-preposition nga 180, 117 ka mga family food packs kondiin gi-apod kini sa tanang lalawigan sa rehiyon kansa gila-umang makuhaan tungod sa nangabot nga mga request.
Apan giklaro ni Fortun nga wala’y angayang kabalak-an tungod kay ma-ilisan ra ang makuha gikan sa ilang mga warehouses isip pagpangandam na usab sa musunod nga dapatan niini.
