BUTUAN CITY – Laing makasaysayanong kalampusan ang nasakmit ni Pinay tennis sensation ni Alex Eala tungod sa iyang career-high WTA ranking No. 38 nga iyang nakab-ot sa quarterfinals sa Abu Dhabi Open 2026.
Magpamatood kini sa iyang abilidad nga makadaog kontra sa mas eksperyensyado nga mga players kansa nagpakita nga lig‑on na siya sa world stage.
Ang iyang makasaysayanong milestone iyang gikalipay tungod kay sulod na siya sa elite circle sa women’s tennis, nga usa ka dako nga lakang alang sa iyang career ug alang sa Philippine sports.
Pinakataas kini nga ranggo sa iyang career sa WTA rankings kondiin alang sa Pilipinas, siya ang nakatala og pinakataas nga ranggo nga Filipina tennis player sa WTA history.
Ang iyang pagsulod sa Top 40 nagpasabot nga mas dali siya makasulod sa mga Grand Slam ug dagko nga mga WTA tournaments.
