-- ADVERTISEMENT --
BUTUAN CITY – Patay nang napalgan ang usa ka babaye human nasangit gikan sa pagka-anod sa tubig-baha sa may Andanan River sa Purok 9, Brgy Noli, Bayugan City, lalawigan sa Agusan del Sur.
Napalgan ang biktima kaganinang kapin sa ala-una sa hapon dihang duna’y naglantaw sa bul-og sa tubig sa maong suba kondiin nakita nga nasangit ang tiil niini sa tiilan mismo sa tulay rason nga wala na kini malahos sa Wa-Wa River.
Gitu-uhang kaganinang buntag pa kini na-anod tungod kay wala man kini makit-i sa pipila ka mga tawong nanulo pa sa dapit diin siya nakita.
Makonsiderang kini ang unang natalang casualty sa pagkuso-kuso sa bagyong Basyang ug nakuha na usab sa iyang kabanay ang maong patay’ng lawas.
