BUTUAN CITY- Unom ka British pro-Palestinian nga aktibista ang giabswelto sa kaso sa aggravated burglary may kalabotan sa pag-atake sa 2024 sa pabrika nga gipadagan sa Israeli defence firm Elbit, samtang ang huwes wala makakab-ot og desisyon sa kasong criminal damage.
Sumala sa mga piskal sa Woolwich Crown Court sa London, ang mga akusado nga nagsugod ang pagtaral niadtong Nobyembre, mga miyembro sa grupo nga Palestine Action nga karon gidili, diin nag-organisa sa pagsulong sa Elbit Systems UK facility sa Bristol niadtong Agosto sa miaging tuig.
Ang unom mao sila si Charlotte Head, 29-anyos; Samuel Corner, 23-anyos; Leona Kamio, 30-anyos; Fatema Zainab Rajwani, 21-anyos; Zoe Rogers, 22-anyos; ug Jordan Devlin, 31-anyos, tanan misalikway sa mga akusasyon sa aggravated burglary, violent disorder, ug criminal damage.
