BUTUAN CITY- Padayon ang paningkamot sa Barangay Bading, Butuan City sa pag-atubang sa problema sa basura, subay sa Republic Act 9003 o Ecological Solid Waste Management Act. Sumala ni Kagawad Roldan Mero, Chairman sa Committee on Environment, na anaa pa sa 40 ngadto 45% ang lebel sa pagtuman sa mga residente sa balaod sa basura.
Sigon pa ni Mero, nga gihimo na sa barangay ang purok-to-purok consultation uban sa Department of Environment and Natural Resources kon DENR, Community Environment and Natural Resources Office kon CENRO, City Legal Department, ug kapolisan. Tumong niini ang pagpahibalo sa katawhan bahin sa mga silot ug epekto sa dili pagsunod sa segregation.
Gani sa 10 ka barangay, 90% sa mga residente ang nakabalo kalabot sa information dissemination campaign kabahin sa City Environmental Code ug RA 9003 bisan paman nga dili 100% ang mingtambong sa gihimong panagtapok. Apan, bisan pa sa kalapad nga kampanya, giangkon ni Mero nga 25% ra sa mga residente ang aktuwal nga mingtuman sa balaod base sa iyang personal nga assessment.
