BUTUAN CITY – Mag-agbat sa finals sa WTA 125 Philippine Women’s Open ning orasa, sila Camila Osorio sa Colombia ug Donna Vekic sa Croatia human midaog si World number 84 Osorio sa semifinals batuk kang Solana Sierra sulod lamang sa 46 minutos nila nga dula sa iskor nga 6-0, 6-1.
Samtang si World number 72 nga si Vekic mipildi kang Tatiana Prozorova sa Russia sa semifinals round sa iskor nga 6-2, 6-4. Kini na ang ikaduhang higayon nga mag-agbat sila Osorio ug Vekic sa ilang professional career, sa Rizal Memorial Stadium.
Sa ilang unang panag-atubang, nga nahitabo sa Cincinnati 2022 qualifiers, si Vekic ang midaog sa iskor nga 7-6(6), 6-3.
Mahinumduman nga napildi ni Osorio ang pambato sa Pilipinas nga si Alex Eala sa quarterfinals nga gipahigayon niadtong Huwebes, Enero 29. Aminado si Vekic nga lisod ang iyang mahimong away kang Osorio ilabina kung basehan ang nakalabay niyang mga performances apil na ang pagpaluhod niya kang Eala.
Samtang – tira 2nd SPORTS
Dili usab matago ni Osorio ang iyang kalipay sa iyang pag-abante na sa finals sa Philippine Women’s Open dayong saad nga paningkamutan iyang mas mahimong pisikal tungod sa kakapas ni Vekic.
