BUTUAN CITY – Nag-courtesy visit sa opisina ni Senador Raffy Tulfo sa Senado sila Meta Philippines Public Policy Head Gio Tingson, TikTok Public Policy Head Yves Gonzalez, ug TikTok Public Policy Manager Karla Yu aron hisgutan ang pagbatok sa nagkatag nga online fake news, disinformation, ug ang mga malisyosong artificial intelligent kon AI-generated content sa ilang mga plataporma.
Gibutyag ni Sen. Raffy nga usa siya sa mga biktima sa mga malimbungong Facebook posts, TikTok videos, ug uban pang malisyosong content sa social media nga nagtumong pagpangilad sa katawhan kansa makadaot sa imahe sa usa ka public figure.
Tungod niini, gisugyot ni Sen. Raffy nga kinahanglan adunay mas responsive ug mas paspas nga sistema ang Meta ug TikTok sa pag-aksyon batok sa mga peke nga content sa ilang mga plataporma aron wala nay ma-ilad ug mabiktima pa.
Gihimo niining pananglitan sa usa ka AI-generated content sa Facebook nga gigamit ang tingog sa senador aron mag-endorso og online sugal, bisan pa nga wala gyud sukad nag-endorso og sugal.
Kinahanglan matud pa nga adunay paagi aron dali nga mailhan ang AI content nga tumong lang ang pagpangilad sa katawhan aron dayon kini ma-take down.
Dugang pa sa senador, ang mga account o pages nga puro fake news ra ang gipagawas kinahanglan na usab nga i-ban.
Sigon si Tingson kung mapamatud-an nga peke tanan ang sulod sa usa ka account ug mahurot na ang ilang strike policy, sigurado gyud nga kini ma-take down.
Misaad usab sila Tingson, Gonzalez, ug Yu nga mas palig-onon pa ang pagbatok sa fake news sa ilang mga plataporma, ug padayon silang makig-alayon sa opisina ni Senador Tulfo alang sa bisan unsang tabang nga ilang gikinahanglan, ilabi na sa bahin sa lehislasyon.
