BUTUAN CITY – Natapos na ang kampanya ni Pinay tennis star Alex Eala sa WTA 125 Philippine Women’s Open human napildi ni Camila Osorio sa Colombia sa score nga 6-4, 6-4 sa quarterfinals nga gipahigayon sa Rizal Memorial Sports Complex kagabii.
Unang nakalabaw si Eala 3-2 batuk sa World number 33 apan wala na niini nakontrol ang kapaspas sa Colombian tennis player.
Pagsulod sa second set milabaw pa si World number 49 Eala 3-2 hangtud nga nagbinayluay sila og puntos ug natabla pa sa 4-4 ang away apan wala na magpapugong pa si Osorio ug hingpit nang giselyuhan sa iyang kada-ugan ang ilang away.
Bisan og gisayangan ang 20-anyos nga si Eala sa tsanga nga maka-abante sa semis, malipayon gihapon kini tungod kay nakadula siya atubangan sa mga Filipino fans.
