BUTUAN CITY – Nangandam ang Department of Health (DOH) sa Mindanao nga mabakunahan pa ang 1.7 milyon ka mga bata batok sa tipdas ug rubella, human masuta nga daghan pa ang wala makadawat sa ilang bakuna.
Sa kasamtangang “Ligtas Tigdas” immunization drive nga gisugdan niadtong Enero 19, nakabakunahan na ang DOH og kapin sa 1 milyon ka bata hangtod Enero 25 kansa maghatag og proteksyon sa mga bata nga ubos sa 5- anyos ug bisan sa 6 ka bulan pa lang.
Bisan pa sa daghang nabakunahan, wala pa makab-ot sa DOH ang target nga 2.8 milyones ka mga bata sa Mindanao.
Gi-awhag sa DOH ang mga ginikanan nga dalhon ang ilang mga anak sa pinakaduol nga health center o magpakonsulta sa nurse o midwife alang sa iskedyul sa bakuna, aron malikayan ang seryosong komplikasyon nga dala sa tipdas ug rubella
