BUTUAN CITY – Daog ang pambato sa Pilipinas nga Aurora Gaming PH sa M7 World Championship human nila gipildi ang home bet nga Alter Ego, 4-0, sa best-of-seven grand finals kagabii sa Jakarta, Indonesia.
Ang Northern Lights nagpakita og lig-on ug dominado nga upper bracket run diin gipildi nila ang ka-ubanang Pinoy squad nga Team Liquid (2-1), Alter Ego (3-1), ug Malaysia’s Selangor Red Giants (3-2) padulong sa championship round.
Kini nga kadaugan mao na ang labing maayong finish sa organisasyon sa maong torneo ug ikaduhang M-series title ni Edward “Edward” Dapadap, human siya nakadaog sa M3 uban sa Blacklist International.
Ang Aurora makadawat og $320,000 nga cash prize, ang pinakadako nga bahin sa $1,000,000 prize pool.
Samtang, ang Team Liquid nagtapos sa ika-upat nga puwesto human mapildi sa SRG. Ang M8 World Championship grand finals ipahigayon sa Turkiye sunod tuig, sumala sa pahibalo sa Moonton Games.
