BUTUAN CITY – Padayon pa ang search and rescue operations nga gihimo sa mga otoridad sa kadagatan sa Basilan human na-unlod kaganinang alas-12 kapin sa kaadlawon ang roll-on roll-off kon Ro-Ro vessel nga MV Trisha Kerstin 3 nga iya sa Aleson Shipping Lines, gikan sa Zamboanga City.
Sigon ni Basilan Governor Mujiv Hataman, mi-abot na sa 317 ka mga pasahero ang na-rescue samtang padayon pa ang rescue operation alang sa laing 43 ka mga missing pang pasahero kondiin sa pagkutlo niini nga balita, mi-abot na matud pa sa 15 ka patay’ng lawas ang narekober samtang duna pa’y 28 nga missing ug padayon ang gipangita.
Na-unlod kini samtang naglawig sa kadagatan duol sa Baluk-Baluk Island, sa lungsod sa Hadji Muhtamad.
Sigon usa sa Coast Guard District Southwestern Mindanao, sakay niini ang 332 ka mga pasahero ug 27 ka mga crew members dihang mitiklaob kini sa gilay-ong 2.75-nautical miles sa amihanang sidlakan sa Baluk-Baluk Island, Basilan, human mibiya pasado alas-9:20 kagabii sa Port of Zamboanga City padulong unta sa Jolo, Sulu.
