BUTUAN CITY -Aminado si Vice President Sara Duterte nga nasubo karon ang Davao City tungod kay wala pa napalgan ang 15 ka mga pasaherong sakay sa mitiklaob nga recreational vessel nga MCBA Amejara sa Davao Gulf partikular tali sa kadagatan sa Governor Generoso sa Davao Oriental ug sa Sarangani, Davao Occidental.
Sa iyang pag-atubang sa mga Pinoy nga naghulat sa gawas nga bahin sa ICC, gipadayag sa besi presidente nga usa sa mga sakay sa maong bangka iyang higala samtang ang usa usab, anak sa suod nga higala sa iyang inahan.
Hinuon padayon gihapon matud pa ang paningkamot sa mga rescuers ug mga otoridad aron makita na ang mga missing human naluwas ang usa sa mga crews sa bangka nga si Christopher Bulig.
Nasayrang apil sa nangita sa mga missing ang mga sakop sa Philippine Coast Guard (PCG) District Southeastern Mindanao, Naval Forces Eastern Mindanao, Philippine Air Force Tactical Operations Group 11, Philippine National Police Maritime Unit ug mga mananagat sa maong lugar.
