BUTUAN CITY – Gidala na sa Quezon City Jail sa Payatas human sa iyang return of warrant sa Sandiganbayan Third Division si kanhi Senador Ramon ‘Bong’ Revilla Jr.
Kini human siya nakapyansa og P90,000 sa Sandiganbayan Fourth Division nga maoy gahawid sa iyang kasong graft may kalabotan sa gika-ingong anomalusong mga flood control project sa Pandi, Bulacan.
Nagdeuso karon og petisyon ang kampo ni Revilla nga ibalhin siya sa PNP Custodial Facility sa Camp Crame tungod sa isyu sa seguridad.
Samtang ang Malacañang, gipadayag ni Palace Press Office Claire Castro nga anaa na matud pa sa tunga-tunga ang gobyerno sa pagpapriso sa tanang “big fish” nga nalambigit sa flood control scandal, human sa pagsurender ni Revilla kagabii.
Sumala ni Castro, bisan higala sila Revilla ug angulong Bongbong Marcos apan gireseto niini ang desisyon sa korte nga kung unsay angay buhaton dapat buhaton.
Giklaro usab niini nga dili kini ang sinugdanan sa pagpangdakop sa mga “big fish” kay daghan na ang nadakpan ug na‑isyuhan og warrant sa wala pa ang Pasko, lakip na si Sarah Discaya nga napriso na.
Gipunting usab ni Castro nga determinado si Pangulong Ferdinand Marcos Jr nga silotan ang tanang mapamatud‑an nga nalambigit sa korapsyon bisan pa ug kaalyado human gipadayag ni kanhi DPWH Undersecretary Roberto Bernardo nga daghang senador ug kongresista ang nakadawat og kickbacks gikan sa mga proyekto sa DPWH.
