BUTUAN CITY – Nakapamalikas si Senate President Pro Tempore Ping Lacson sa iyang privilege speech adiser gisugdan ang pagpadayon sa imbestigasyon sa Senate Blue Ribbon Committee kalabot sa anomalusong mga flood control projects nga nagkantidad og bilyones hangtod trilyones pisos.
Gibutyag niini nga ang komite nag-reconvene alang sa ikawalong public hearing ug nag-finalize na og partial report nga ipanghatag sa mga senador sunod semana.
Gipanghimakak niini ang pasangil nga inutil ang trabaho sa komite dayong butyag nga daghan matud pa ang nahimo niini sukad mi-ulbo ang iskandalo sa flood control projects.
Dugang pa niya, ang sworn testimonies nagtudlo sa Bulacan 1st District Engineering Office isip sentro sa pinakadako nga corruption sa kasaysayan, nga naglakip sa pagkurakot sa pondo sa nasud alang sa flood control projects.
Samtang adunay mga kaso nga pending sa Sandiganbayan ug sa regular courts, uban sa gi-imbestigahan pa sa Ombudsman ug sa Department of Justice kon DOJ.
Gitumbok pa niini nga kapin ₱21.7 bilyon nga bank accounts ug assets ang na-freeze pinaagi sa court order.
