BUTUAN CITY – Ubay-ubay nang katawhan ang midugok karong sa gilusad nga ‘Tay, Kami Naman’ signature campaign sa may South Montilla Boulevard ning siyudad sa Butuan kansa gi-organisa sa United Caraga Movement.
Ang maong kalihukan nga gisugdan kagahapon ug matapos ugmang adlawa, manawagan sa gobyerno nga papa-ulion na sa nasud si kanhi Pangulong Rodrigo Duterte gikan sa iyang pagkadetine sa International Criminal Court kon ICC sa The Hague, Netherlands.
Sigon sa usa sa mga membro sa maong grupo nga si Dodith Puricallan, taga-Brgy Cabcabon ning siyudad sa Butuan, dinhi matud pa masayran ang pulso sa katawhan, kung gusto nilang mapapa-uli sa nasud ang kanhi pangulo o magpakabuta-bungol na lang sa nagapanghitabo sa nasud.
Bisan og ukupado ang tanan sa inadlaw-adlaw nga panginabuhian, apan kung musuporta gayod sa maong kawsa, makagahin gihapon og panahon aron makahatag sa ilang pirma dubay sa temang ‘Isang Pirma, Isang Tinig Para sa Katarungan.’
Giklaro pa niini nga boluntaryo lamang kini, libre ug nakatutok sa pagtigom og mga pirma nga maoy isubmite ngadto sa Korte Suprema.
